Առևտրային ուղիների դարաշրջանում Վրաստանը կդառնա կայունության և լոգիստիկայի տարածաշրջանային կենտրոն:
Այս մասին հայտարարել է վարչապետ Իրակլի Կոբախիձեն, հաղորդում են վրացական լրատվամիջոցները։
«Դրանց թվում են խոշոր ենթակառուցվածքային նախագծեր, ինչպիսիք են Արևելք-Արևմուտք մայրուղին, Բաքու-Թբիլիսի-Կարս երկաթուղին, չոր նավահանգիստները և Սև ծովի ամենախորը նավահանգիստը՝ Անակլիան», – հայտարարեց Վրաստանի վարչապետը։
Նրա խոսքով՝ Ասիական զարգացման բանկի աջակցությամբ ակտիվորեն աշխատանքներ են տարվում Ադրբեջանի և Հայաստանի հետ համատեղ մաքսային անցակետերի նախագծերի վրա։ Վրաստանի վարչապետը նաև նշեց, որ իր երկիրը Սև ծով մուտք է ապահովում յոթ երկրների համար, որոնք չունեն նման մուտք։
Այդ երկրների թվում են Ադրբեջանը, Հայաստանը և Կենտրոնական Ասիայի հինգ պետություններ։