ԱՄՆ-ն արդիականացնում է «Թոմահավկ» հրթիռները և երկարացնում դրանց ծառայության ժամկետը

ԱՄՆ ռազմածովային ուժերը հայտարարել են «Թոմահավկ» թևավոր հրթիռների արդիականացման ծրագրի ընդլայնման մասին՝ Raytheon-ին շնորհելով 380.8 միլիոն դոլարի պայմանագիր։

Այս մասին հայտնել է Army Recognition-ը՝ նշելով, որ պայմանագրի շրջանակներում աշխատանքները կշարունակվեն մինչև 2029 թվականի ապրիլը։ Պայմանագիրը ներառում է.

• հրթիռների վերահավաստագրում,
• տեխնիկական արդիականացում,
• պահեստամասերի և մասնագիտացված սարքավորումների մատակարարում,
• հրթիռային համակարգերի շարունակական շահագործման աջակցություն։

Այն նաև նախատեսում է փոխարինելի բաղադրիչների օգտագործում, ինչը թույլ է տալիս անհրաժեշտության դեպքում արագ վերականգնել հրթիռային մարտունակությունը։

Արդիականացումը նախատեսված է «Թոմահավկ»-երի ծառայության ժամկետը երկարաձգելու համար առնվազն երեք տարով՝ պահպանելով դրանց դերը որպես ԱՄՆ ռազմածովային ուժերի համար հեռահար հարվածային հիմնական գործիք։

Ավելին, ծրագիրը կներառի նոր տեխնոլոգիական լուծումներ, որոնք կբարելավեն հրթիռների օգտագործման ճշգրտությունը, հուսալիությունը և ճկունությունը ժամանակակից մարտական պայմաններում։

«Հայկական Ժամանակ»-ը Telegram-ում