Իսլամական պետություն ահաբեկչական խմբավորման դեմ պայքարը դառնում է ավելի վճռական, իսկ տարածաշրջանում ահաբեկչության բոլոր դրսևորումները պետք է վերանան, Anadolu-ի փոխանցմամբ՝ հայտարարել է Թուրքիայի նախագահ Ռեջեփ Թայիփ Էրդողանը։
«Երբ Սիրիայի հյուսիսում ահաբեկչական սպառնալիքը լիովին վերացվի, ոչ միայն սիրիացի ժողովուրդը, այլև ողջ տարածաշրջանը թեթևություն կզգա», – ասել է Էրդողանը։
Հունվարի 21-ին Թուրքիայի նախագահը պահանջել էր, որ սիրիացի քրդերը վայր դնեն զենքերը և ընդունեն պաշտոնական Դամասկոսի գերակայությունը։
«Հետագա արյունահեղությունից խուսափելու համար Սիրիայի հյուսիսային շրջաններում գործող ահաբեկչական կազմակերպությունը պետք է վայր դնի զենքերը և հայտարարի ինքնալուծարման մասին։ Նրանց կողմից հետագա սադրանքները հավասարազոր կլինեն ինքնասպանության», – հայտարարել է Էրդողանը։