Իրանը չի բանակցելու իր հրթիռային ծրագրի վերաբերյալ, սակայն կողջունի քննարկումները, որոնք կապահովեն Հանրապետության իրավունքը խաղաղ միջուկային գործունեություն ծավալելու՝ Միջուկային զենքի չտարածման մասին պայմանագրի (NPT) համաձայն, հայտարարել է իրանցի բարձրաստիճան պաշտոնյան։
«Մենք չենք քննարկելու կամ բանակցելու մեր կոնվենցիոնալ զենքի, այդ թվում՝ հրթիռների հետ կապված որևէ հարց», – լրագրողներին ասել է նա՝ անանունության պայմանով։
Միաժամանակ, իրանցի պաշտոնյան նշել է, որ Թեհրանը կողջունի բանակցությունները, որոնք կապահովեն Իրանի խաղաղ միջուկային գործունեության իրավունքը Միջուկային զենքի չտարածման մասին պայմանագրի շրջանակներում։