Որևէ քրեական գործով որևէ կարգավիճակ, այդ թվում՝ մեղադրյալի, Ամենայն Հայոց կաթողիկոսը չունի, «Ազատության» հետ զրույցում հայտարարեց Մայր Աթոռի փաստաբան Արա Զոհրաբյանը:
«Հրապարակն» էր գրել, որ Գարեգին Երկրորդի դեմ նոր քրեական վարույթ է նախապատրաստվում՝ փողերի լվացման հոդվածով: Այդ վարույթի շրջանակներում հարցաքննվել է «Շողակաթ» հեռուստաընկերության տնօրեն Մանյա Ղազարյանը, որը ևս գործով վկա է: Քննության թեման բնակարանն է, որը տնօրենին է հատկացվել:
Արա Զոհրաբյանը պնդում է՝ Ամենայն հայոց կաթողիկոսն իր անձնական միջոցներով է գնել «Շողակաթի» տնօրենին հատկացված բնակարանը:
«Ամենայն Հայոց կաթողիկոսն իր անձնական միջոցներով որոշակի բնակարաններ է ձեռք բերել դեռևս իր՝ Արարատյան թեմի փոխանորդ եղած ժամանակից սկսած: Այդ բնակարանները նա հատկացրել է նաև քահանաներին ու «Շողակաթի» տնօրենին էլ է հատկացրել՝ որպես Մայր Աթոռի երկարամյա աշխատակից, ով կարիք է ունեցել այդ բնակարանի: Այսինքն, սա ընդունված է, նաև Մայր Աթոռի կողմից իրականացվող, նաև Ամենայն Հայոց կաթողիկոսի կողմից իրականացվող գործընթաց է եղել, այստեղ զարմանալու բան չկա», – ասաց փաստաբանը:
Քննչական կոմիտեն դեռևս չի պատասխանել «Ազատության» հարցմանը՝ արդյոք կա՞ քրեական գործ, որի շրջանակում նախատեսվում է Գարեգին Երկրորդին մեղադրանք առաջադրել։
Աստղիկ ԲԵԴԵՎՅԱՆ
Նյութն ամբողջությամբ՝ սկզբնաղբյուր կայքում
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: