«Ռեալ Մադրիդը» պահպանել է աշխարհի ամենաեկամտաբեր ֆուտբոլային ակումբի տիտղոսը 2024-25 մրցաշրջանում՝ գլխավորելով Deloitte-ի ամենամյա Football Money League վարկանիշային աղյուսակը 1,16 միլիարդ եվրո եկամտով, ինչը պայմանավորված է առևտրային հասույթի զգալի աճով:
«Լիվերպուլը» շրջանցել է «Մանչեսթեր Յունայթեդին»՝ դառնալով Պրեմիեր լիգայի ամենաեկամտաբեր ակումբը և զբաղեցնելով 5-րդ հորիզոնականն աշխարհում. սա անգլիական ակումբի լավագույն արդյունքն է վարկանիշի ողջ պատմության ընթացքում:
Լավագույն քառյակի մյուս տեղերը զբաղեցրել են «Բարսելոնան», «Բավարիան» և «ՊՍԺ»-ն: «Մանչեսթեր Յունայթեդը» նահանջել է 8-րդ հորիզոնական, ինչը նրա վատագույն ցուցանիշն է՝ պայմանավորված թույլ արդյունքներով և եվրագավաթներից բացակայությամբ: Ընդհանուր առմամբ, լավագույն 20 ակումբները սահմանել են ռեկորդային՝ 12,4 միլիարդ եվրոյի համախառն եկամուտ: