https://arm.sputniknews.ru/20260123/vorvoshel-en-uzhi-zvorvov-yndunel-hajastan-khmbakcutjuny-bvojkvotec-qpi-orinagtsi-qnnarkumy-98038116.html
Որոշել են ուժի զոռով ընդունել. «Հայաստան» խմբակցությունը բոյկոտեց ՔՊ–ի օրինագծի քննարկումը
Որոշել են ուժի զոռով ընդունել. «Հայաստան» խմբակցությունը բոյկոտեց ՔՊ–ի օրինագծի քննարկումը
Sputnik Արմենիա
Արծվիկ Մինասյանի խոսքով` իշխանությունը մերժել է սահմանադրական օրենքի փոփոխության բովանդակային ու շահագրգիռ կողմերի հետ քննարկումը։ 23.01.2026, Sputnik Արմենիա
2026-01-23T12:32+0400
2026-01-23T12:32+0400
2026-01-23T12:33+0400
պատգամավոր
https://cdn.am.sputniknews.ru/img/07e7/02/03/54773211_0:46:1601:946_1920x0_80_0_0_46dde89d023ee566d0adb8113c05a7ce.jpg.webp
ԵՐԵՎԱՆ, 23 հունվարի – Sputnik. Քաղաքական մեծամասնությունը՝ «Քաղաքացիական պայմանագիր» խմբակցությունը, արհամարհում է ժողովրդավարական նվազագույն կանոնները։ Այս մասին ԱԺ-ում իր ելույթում հայտարարեց ընդդիմադիր «Հայաստան» խմբակցության քարտուղար Արծվիկ Մինասյանը։ Նրա խոսքով՝ անընդունելի է ՔՊ-ի կողմից «Ընտրական օրենսգիրք» սահմանադրական օրենքի հապճեպ փոփոխությունը։Ավելի վաղ հայտնել էինք, որ ԱԺ արտահերթ նիստով 24– ժամյա ռեժիմով քննարկում են «Ընտրական օրենսգիրք» սահմանադրական օրենքի փոփոխությունները։Մինասյանի խոսքով՝ ԱԺ խորհրդի նիստում առաջարկել են հետաձգել նախագծի քննարկումը և շահագրգիռ կողմերի, այդ թվում՝ դիտորդական և միջազգային կազմակերպությունների հետ քննարկել օրենսդրական փոփոխությունները, ապա նոր որոշում կայացնել, սակայն իշխող ուժը մերժել է առաջարկը։«Սա հերթական փորձն է ընտրական գործընթացներն ամբողջությամբ իշխանության վերահսկողության տակ բերելու և ընտրակեղծիքներն օրինականացնելու»,– նշեց նա։«Հայաստան» խմբակցության քարտուղարը հայտարարեց, որ իրենք չեն մասնակցի այս օրենքի նախագծի քննարկմանը, և նրանք դուրս եկան դահլիճից։Հիշեցնենք, որ օրենքի փոփոխություններով սահմանվում է, որ միջազգային կազմակերպությունների դիտորդական առաքելություններում ՀՀ քաղաքացիներ ընդգրկվել չեն կարող: Նշվում է նաև, որ դիտորդական առաքելությունների անունները չեն կարող ասոցացվել թեկնածուների կամ ընտրություններին մասնակցող կուսակցությունների (կուսակցությունների դաշինքների) անվանումների հետ, որոնք օրենքով սահմանված կարգով հրապարակել են իրենց գործունեության վերջին տարեկան հաշվետվությունը, և որոնց կառավարման մարմնի կազմում (բացառությամբ ժողովի) որևէ անդամ չի մասնակցում տվյալ ընտրություններին թեկնածուի կարգավիճակով։
2026
Լուրեր
am_HY
https://cdn.am.sputniknews.ru/img/07e7/02/03/54773211_0:0:1423:1067_1920x0_80_0_0_2494894c051db0877d76e4611a4fd52d.jpg.webp
պատգամավոր
Արծվիկ Մինասյանի խոսքով` իշխանությունը մերժել է սահմանադրական օրենքի փոփոխության բովանդակային ու շահագրգիռ կողմերի հետ քննարկումը։
ԵՐԵՎԱՆ, 23 հունվարի – Sputnik. Քաղաքական մեծամասնությունը՝ «Քաղաքացիական պայմանագիր» խմբակցությունը, արհամարհում է ժողովրդավարական նվազագույն կանոնները։ Այս մասին ԱԺ-ում իր ելույթում հայտարարեց ընդդիմադիր «Հայաստան» խմբակցության քարտուղար Արծվիկ Մինասյանը։ Նրա խոսքով՝ անընդունելի է ՔՊ-ի կողմից «Ընտրական օրենսգիրք» սահմանադրական օրենքի հապճեպ փոփոխությունը։
Ավելի վաղ հայտնել էինք, որ ԱԺ արտահերթ նիստով 24– ժամյա ռեժիմով քննարկում են «Ընտրական օրենսգիրք» սահմանադրական օրենքի փոփոխությունները։
«Արհամարհվում են իրավական նվազագույն պարտավորությունները. որոշել են ուժի զոռով այս նախաձեռնությունն ընդունել և ընդամենը մի քանի ամսից սպասվող ընտրություններին ընդառաջ իրականացնել փոփոխություններ»,– ասաց նա։
Մինասյանի խոսքով՝ ԱԺ խորհրդի նիստում առաջարկել են հետաձգել նախագծի քննարկումը և շահագրգիռ կողմերի, այդ թվում՝ դիտորդական և միջազգային կազմակերպությունների հետ քննարկել օրենսդրական փոփոխությունները, ապա նոր որոշում կայացնել, սակայն իշխող ուժը մերժել է առաջարկը։
«Սա հերթական փորձն է ընտրական գործընթացներն ամբողջությամբ իշխանության վերահսկողության տակ բերելու և ընտրակեղծիքներն օրինականացնելու»,– նշեց նա։
«Հայաստան» խմբակցության քարտուղարը հայտարարեց, որ իրենք չեն մասնակցի այս օրենքի նախագծի քննարկմանը, և նրանք դուրս եկան դահլիճից։
Հիշեցնենք, որ օրենքի փոփոխություններով սահմանվում է, որ միջազգային կազմակերպությունների դիտորդական առաքելություններում ՀՀ քաղաքացիներ ընդգրկվել չեն կարող: Նշվում է նաև, որ դիտորդական առաքելությունների անունները չեն կարող ասոցացվել թեկնածուների կամ ընտրություններին մասնակցող կուսակցությունների (կուսակցությունների դաշինքների) անվանումների հետ, որոնք օրենքով սահմանված կարգով հրապարակել են իրենց գործունեության վերջին տարեկան հաշվետվությունը, և որոնց կառավարման մարմնի կազմում (բացառությամբ ժողովի) որևէ անդամ չի մասնակցում տվյալ ընտրություններին թեկնածուի կարգավիճակով։