Կամչատկայում գրանցվել է 5.0 մագնիտուդով երկրաշարժ: Տարածաշրջանի բնակիչները զգացել են մինչև 2 մագնիտուդով ցնցումներ։ Այս մասին Tass-ին հայտնել է Ռուսաստանի գիտությունների ակադեմիայի Երկրաֆիզիկական ծառայության Կամչատկայի մասնաճյուղը։
«Սեյսմիկ իրադարձությունը եղել է 5.0 մագնիտուդով, էպիկենտրոնը գտնվում է Պետրոպավլովսկ-Կամչատկայից 143 կմ հեռավորության վրա։ Օջախը գտնվել է 58 կմ խորության վրա», – հայտնել է գործակալությունը։
Ցունամիի մասին նախազգուշացում չի տրվել։