Այսօր «Նորք-Մարաշ» բժշկական կենտրոնում վիրահատել են գերությունից վերադարձած Վագիֆ Խաչատրյանին։ Նա սրտի բաց վիրահատության է ենթարկվել։
Առողջապահության նախարար Անահիտ Ավանեսյանը քիչ առաջ հայտնեց՝ վիրահատությունը նորմալ է անցել։
«Վագիֆ Խաչատրյանի վիրահատությունն ընթացել է հարթ, առանց բարդությունների։ Նա տեղափոխվել է ինտենսիվ թերապիայի բաժանմունք։
Վիճակը գնահատվում է կայուն, կրած վիրահատության ծավալին համապատասխան։
Շուտափույթ ապաքինում եմ մաղթում»,- նշել է Ավանեսյանը։