Ժնևում կայացած դիվանագիտական հանդիպման ժամանակ վրացական կողմը Վենեսուելայի ներկայացուցչին է փոխանցել իր ակնկալիքը՝ հետ կանչել Աբխազիայի և Հարավային Օսիայի անկախության ճանաչումը։
Թբիլիսին շեշտել է, որ 2009 թվականին ընդունված այդ որոշումը միջազգային իրավունքի կոպիտ խախտում է։ Վրաստանի ԱԳՆ-ն հույս է հայտնել, որ Վենեսուելայում տեղի ունեցող վերջին ներքաղաքական զարգացումները հնարավորություն կտան վերանայել և չեղարկել այդ «ապօրինի որոշումը»։
Չնայած Վենեսուելայում իշխանափոխության փուլին, պաշտոնական Կարակասը դեռևս չի հայտարարել արտաքին քաղաքական կուրսի փոփոխության կամ նախկինում ընդունված ճանաչումների չեղարկման մասին։