Oragir.News-ը ամփոփ ներկայացնում է հունվարի 19-ի միջազգային լրահոսը:
Բելառուսական կողմը անձնական դիմում է ստացել Ամերիկայի Միացյալ Նահանգների նախագահից։ Գազայի իրավիճակի կարգավորման համատեքստում Բելառուսին հրավիրում են դառնալ «Խաղաղության խորհրդի»՝ նոր միջազգային կազմակերպության հիմնադիր, հայտարարել է Բելառուսի արտգործնախարարության խոսնակ Ռուսլան Վարանկովը՝ Аргументы и Факты-ի փոխանցմամբ։ Նրա խոսքով՝ Բելառուսի նախագահ Լուկաշենկոն ողջունել է այդ գաղափարը։ Քիչ առաջ հայտնի է դարձել, որ Թրամփը նաև հրավիրել է ՌԴ նախագահին, սակայն Դմիտրի Պեսկովը նշել, որ առաջարկը պետք է ուսումնասիրվի: Ղազախստանի նախագահ Տոկաևն էլ ընդունել է առաջարկը։ Նշենք, որ Թրամփը նախատեսում է ստեղծել «Խաղաղության խորհուրդ»՝ որպես ՄԱԿ-ի այլընտրանք։
Այսօր, որպես վարչապետ, ես որոշել եմ հունվարի 23-ին լուծարել Ներկայացուցիչների պալատը, հայտարարել է Ճապոնիայի վարչապետ Սանաե Տակաիչին: Այս որոշման պատճառների մասին խոսելով՝ Տակաիչին նշել է, որ կառավարությունը գլխավորելու որոշումը «կախված է ժողովրդից»։ «Ես կցանկանայի, որ ժողովուրդն ինքը որոշի՝ կարո՞ղ է արդյոք ինձ վստահել երկրի կառավարումը», – հավելել է վարչապետը՝ հիշեցնելով, որ Ճապոնիայում վարչապետին ընտրում են խորհրդարանի անդամները, սակայն 2024 թվականի վերջին ընտրությունների ժամանակ նրա կողմից կառավարությունը ղեկավարելու մասին խոսք չի եղել։
Այսօր կսկսվի Մեծ Բրիտանիայի ամենաաղմկահարույց դատական վեճերից մեկը. արքայազն Հարրին և մի խումբ հայտնի դեմքեր՝ այդ թվում՝ Էլթոն Ջոնը, դատի են տալիս Daily Mail-ին և The Mail on Sunday-ին, հաղորդել է The Guardian-ը։ Նրանք պնդում են, որ ձայնային հաղորդագրությունները կոտրելուց բացի, թերթերը գաղտնալսել են հեռախոսները, կաշառել ոստիկաններին, անօրինական կերպով ձեռք են բերել բժշկական գրառումներ և տեղադրել լսողական սարքեր իրենց տներում։ «Associated Newspapers» հրատարակչությունը հերքում է այս մեղադրանքները՝ դրանք անվանելով «ծիծաղելի» և «ազնիվ լրագրողների նկատմամբ վիրավորանք»։ «The Guardian»-ը նշում է, որ «Daily Mail»-ի հետ պայքարը, որի դատական ծախսերը գնահատվում են 38 միլիոն ֆունտ ստեռլինգ, լինել թեժ է լինելու։ 2023 թվականին Հարրին դարձել է թագավորական ընտանիքի առաջին անդամը, որը ցուցմունք է տվել դատարանում ավելի քան 130 տարվա ընթացքում, երբ նա ցուցմունք է տվել գաղտնիության խախտման գործով, որը նա և այլ հայցվորներ հարուցել էին «Mirror» տաբլոիդի դեմ։
Ռուսաստանի նախագահ Վլադիմիր Պուտինը և Բելառուսի նախագահ Ալեքսանդր Լուկաշենկոն Սուրբ Հայտնության օրը մտել են սառցեջրի մեջ, հաղորդել են լրատվամիջոցները: Հիշեցնենք, որ այսօր ուղղափառ Քրիստոնյաները նշում են նշում են Աստվածահայտնության տոնը, որի ժամանակ հավատացյալները մտնում են սառցեջրի մեջ: Մարդիկ սկսեցին կատարել Հայտնության լոգանք՝ հիշելով Փրկչի մկրտությունը Հորդանանում: Այս իրադարձության հանդիսավոր տոնակատարությունը Ռուս Ուղղափառ Եկեղեցում նշվում է հունվարի 19-ին: Ավելին, Հայտնության լոգանքի ավանդույթը կապված է սուրբ ջրի կամ ընդհանրապես սուրբ աղբյուրների մեջ ընկղմվելու սովորույթի հետ:
Մանրամասները՝ տեսանյութում: