Այսօր՝ հունվարի 19-ին, ավտովթար է տեղի ունեցել Կոտայքի մարզում։ Ժամը 14։30-ի սահմաններում Եղվարդից դեպի Աշտարակ տանող H6 ավտոճանապարհին, Եղվարդի կամրջի հարևանությամբ, «Toyota» մակնիշի ավտոմեքենան բախվել է ճանապարհին եղած խոչընդոտ փոսին և հայտնվել երթևեկելի գոտուց դուրս, հայտնում է Shamshyan.com-ը։
Վթարի հետևանքով օպերատիվորեն ժամանած շտապօգնության բժիշկների հերթապահ խումբը 1 հոգու տեղում առաջին բուժօգնություն է ցուցաբերել, ով հրաժարվել է հիվանդանոց մեկնելուց, ասելով, որ ինքը չի տուժել։
Վթարի փաստով ՊԾ Կոտայքի մարզի գումարտակի 2-րդ վաշտում փաստաթղթեր են կազմվել, որտեղ էլ պարզվում են ավտոմեքենայի սեփականատիրոջ, վարորդի և տեղում բուժօգնություն ստացած քաղաքացու ինքնությունը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: