Հիդրոօդերևութաբանության և մոնիթորինգի կենտրոնը ներկայացրել է առաջիկա օրերի եղանակի կանխատեսումը
ԵՐԵՎԱՆ, 19 հունվարի․/Նովոստի–Արմենիա/․ ՀՀ ՇՄՆ Հիդրոօդերևութաբանության և մոնիթորինգի կենտրոնը ներկայացրել է առաջիկա օրերի եղանակի կանխատեսումը։
Այսպես, հունվարի 19-20-ին շրջանների մեծ մասում, 22-ի ուշ երեկոյան, 23-ի գիշերն առանձին շրջաններում սպասվում է ձյուն, լեռնային առանձին վայրերում՝ բուք, ցածր հորիզոնական տեսանելիություն։ Հունվարի 21-22-ին, 23-ի ցերեկը սպասվում է առանց տեղումների եղանակ։
Քամին` հարավարևմտյան 2-5մ/վ։
Օդի ջերմաստիճանը հունվարի 19-ի գիշերը կբարձրանա ևս 2-3 աստիճանով, հունվարի 20-22-ին գիշերային ժամերին աստիճանաբար կնվազի 7-10 աստիճանով։
Մայրաքաղաք Երևանում հունվարի 19-20-ին սպասվում է ձյուն։ Հունվարի 21-23-ին սպասվում է առանց տեղումների եղանակ։ Այսօր ցերեկը Երևանում սպասվում է -1․․․-3, իսկ հաջորդ չորս օրերին այն կտատանվի +1․․․-4 աստիճանի սահմանում։ Հունվարի 22-ի գիշերը ջերմաստիճանը կնվազի մինչև -11․․․-13։
Ամենացուրտը կլինի հինգշաբթի գիշերը Շիրակի մարզում, այնտեղ ջերմաստիճանը կնվազի՝ հասնելով մինչև -25 աստիճանի։ Արագածոտնի լեռներում կլինի մինչև -23 աստիճան, Կոտայքի լեռներում՝ մինչև -22, Վայոց Ձորի լեռներում և Գեղարքունիքի մարզում՝ մինչև -18, իսկ Սյունիքի լեռներում և Լոռու մարզում՝ մինչև -17 աստիճան։
