https://arm.sputniknews.ru/20260117/fitchy-bardzracrel-e-hhi-varkanishy-kajunic-dardznelvov-drakan-pashinjani-ardzaganqy-97838675.html
«Fitch»–ը բարձրացրել է ՀՀ–ի վարկանիշը` «կայունից» դարձնելով «դրական». Փաշինյանի արձագանքը
«Fitch»–ը բարձրացրել է ՀՀ–ի վարկանիշը` «կայունից» դարձնելով «դրական». Փաշինյանի արձագանքը
Sputnik Արմենիա
Ըստ գործակալության հայտարարության՝ Ադրբեջանի հետ կնքված խաղաղության համաձայնագրերը զգալիորեն նվազեցնում են մոտ ապագայում ռազմական էսկալացիայի ռիսկերը։ 17.01.2026, Sputnik Արմենիա
2026-01-17T12:00+0400
2026-01-17T12:00+0400
2026-01-17T12:02+0400
հայաստան
վարկանիշ
fitch
նիկոլ փաշինյան
տնտեսություն
https://cdn.am.sputniknews.ru/img/07e6/09/05/47753266_0:0:1601:901_1920x0_80_0_0_811b268d04849d8dffc4f12f4f6ead5a.jpg.webp
ԵՐԵՎԱՆ, հունվարի 17 – Sputnik. Միջազգային «Fitch Ratings» գործակալությունը բարձրացրել է Հայաստանի վարկանիշի հեռանկարը՝ «կայունից» դարձնելով «դրական», և հաստատել է վարկանիշը «BB-» մակարդակում (վարկանիշային սանդղակի 20-ից 13-րդ մակարդակ, որտեղ 20-ը նշանակում է դեֆոլտ)։Ըստ գործակալության հայտարարության՝ ԱՄՆ աջակցությամբ Ադրբեջանի հետ կնքված խաղաղության համաձայնագրերը զգալիորեն նվազեցնում են մոտ ապագայում ռազմական էսկալացիայի ռիսկերը, սակայն անորոշ է մնում առաջիկա խորհրդարանական ընտրությունների և սահմանադրական փոփոխությունների հնարավոր հանրաքվեի պատճառով խաղաղության բանակցությունների ավարտը։ Թուրքիայի հետ հարաբերությունները նույնպես բարելավվել են, և սկսվել է առևտուրը Ադրբեջանի հետ և Ադրբեջանի միջոցով։ՀՀ վարչապետ Նիկոլ Փաշինյանն արձագանքել է գործակալության փոփոխությանը։ Ինչ վերաբերում է տնտեսական գործոններին, ապա «Fitch»-ը նշում է, որ 2025 թվականին բյուջեի դեֆիցիտը կազմել է ՀՆԱ-ի մոտավորապես 5.0%-ը, ինչն ավելի ցածր է, քան սկզբնապես կանխատեսված 5.5%-ը, բայց զգալիորեն բարձր է BB վարկանիշ ունեցող խմբի միջին ցուցանիշից (3.0%): 2026 թվականի բյուջեի պլանի համաձայն՝ դեֆիցիտը կնվազի մինչև ՀՆԱ-ի 4.5%-ը, այդ թվում՝ պաշտպանական ծախսերի կրճատման շնորհիվ (ՀՆԱ-ի 6.8%-ից մինչև 4.7%):«Fitch»-ը նշել է, որ 2025 թվականի վերջին պետական պարտքը կազմել է ՀՆԱ-ի 50.1%-ը, ինչը ցածր է BB վարկանիշ ունեցող խմբի միջին ցուցանիշից (53.6%):Ըստ գործակալության` Հայաստանի ՀՆԱ-ն 2025 թվականին աճել է 5.5%-ով և աստիճանաբար դանդաղում է (2022-24 թվականներին Ռուսաստանից կապիտալի և միգրանտների ներհոսքի պատճառով գրանցված 8.9% միջին աճի համեմատ): 2026-2027 թվականներին 5%-ից բարձր աճի տեմպերը, կանխատեսումների համաձայն, կշարունակեն բարձր մնալ՝ պայմանավորված ծառայությունների ոլորտի ակտիվությամբ և Ամուլսարի հանքավայրի բացմամբ, որը, ըստ Արժույթի միջազգային հիմնադրամի, 2026-2027 թվականներին երկրի ՀՆԱ-ի աճը կխթանի տարեկան 1.25%-ով։Հիշեցնենք, որ վարկանիշային գործակալությունները վարկանիշների շարք են թողարկում տարբեր տեսակի արժեթղթերի համար։ Հիմնականը երկարաժամկետ արտարժութային արժեթղթերի վարկանիշն է։
2026
Լուրեր
am_HY
https://cdn.am.sputniknews.ru/img/07e6/09/05/47753266_0:0:1305:979_1920x0_80_0_0_096a7d010fa5396760b8c790f8b08859.jpg.webp
հայաստան, վարկանիշ, fitch, նիկոլ փաշինյան, տնտեսություն
հայաստան, վարկանիշ, fitch, նիկոլ փաշինյան, տնտեսություն
Ըստ գործակալության հայտարարության՝ Ադրբեջանի հետ կնքված խաղաղության համաձայնագրերը զգալիորեն նվազեցնում են մոտ ապագայում ռազմական էսկալացիայի ռիսկերը։
Ըստ գործակալության հայտարարության՝ ԱՄՆ աջակցությամբ Ադրբեջանի հետ կնքված խաղաղության համաձայնագրերը զգալիորեն նվազեցնում են մոտ ապագայում ռազմական էսկալացիայի ռիսկերը, սակայն անորոշ է մնում առաջիկա խորհրդարանական ընտրությունների և սահմանադրական փոփոխությունների հնարավոր հանրաքվեի պատճառով խաղաղության բանակցությունների ավարտը։ Թուրքիայի հետ հարաբերությունները նույնպես բարելավվել են, և սկսվել է առևտուրը Ադրբեջանի հետ և Ադրբեջանի միջոցով։
«Սա լոկ վիճակագրական փոփոխություն չէ. սա մասնագիտական հավաստում է առ այն, որ Հայաստանի որդեգրած տնտեսական քաղաքականությունն ու ինստիտուցիոնալ կայունությունը միջազգային շուկաներում ձեռք են բերում որակական նոր կշիռ: Սա վստահության հայտ է՝ ուղղված մեր պետության տնտեսական դիմակայունությանն ու քաղաքական կամքին։ Հայաստանի տնտեսական զարգացման ընթացքը թևակոխում է վստահության նոր փուլ»,– գրել է Փաշինյանը ֆեյսբուքյան էջում։
Ինչ վերաբերում է տնտեսական գործոններին, ապա «Fitch»-ը նշում է, որ 2025 թվականին բյուջեի դեֆիցիտը կազմել է ՀՆԱ-ի մոտավորապես 5.0%-ը, ինչն ավելի ցածր է, քան սկզբնապես կանխատեսված 5.5%-ը, բայց զգալիորեն բարձր է BB վարկանիշ ունեցող խմբի միջին ցուցանիշից (3.0%): 2026 թվականի բյուջեի պլանի համաձայն՝ դեֆիցիտը կնվազի մինչև ՀՆԱ-ի 4.5%-ը, այդ թվում՝ պաշտպանական ծախսերի կրճատման շնորհիվ (ՀՆԱ-ի 6.8%-ից մինչև 4.7%):
«Fitch»-ը նշել է, որ 2025 թվականի վերջին պետական պարտքը կազմել է ՀՆԱ-ի 50.1%-ը, ինչը ցածր է BB վարկանիշ ունեցող խմբի միջին ցուցանիշից (53.6%):
Ըստ գործակալության` Հայաստանի ՀՆԱ-ն 2025 թվականին աճել է 5.5%-ով և աստիճանաբար դանդաղում է (2022-24 թվականներին Ռուսաստանից կապիտալի և միգրանտների ներհոսքի պատճառով գրանցված 8.9% միջին աճի համեմատ): 2026-2027 թվականներին 5%-ից բարձր աճի տեմպերը, կանխատեսումների համաձայն, կշարունակեն բարձր մնալ՝ պայմանավորված ծառայությունների ոլորտի ակտիվությամբ և Ամուլսարի հանքավայրի բացմամբ, որը, ըստ Արժույթի միջազգային հիմնադրամի, 2026-2027 թվականներին երկրի ՀՆԱ-ի աճը կխթանի տարեկան 1.25%-ով։
Հիշեցնենք, որ վարկանիշային գործակալությունները վարկանիշների շարք են թողարկում տարբեր տեսակի արժեթղթերի համար։ Հիմնականը երկարաժամկետ արտարժութային արժեթղթերի վարկանիշն է։