Ռուսիոյ նախագահ Վլատիմիր Փութին Իսրայէլի վարչապետ Պենիամին Նեթանիահուի հետ հեռաձայնային հաղորդակցութիւն ունեցած է: Այս մասին հաղորդեց Քրեմլին:
Հեռաձայնային հաղորդակցութեան ընթացքին քննարկուած է Միջին Արեւելքի եւ Իրանի մէջ տիրող կացութիւնը:
Փութին ներկայացուցած է շրջանին մէջ կայունութիւն եւ անվտանգութիւն ապահովելու համար քաղաքական եւ դիւանագիտական ջանքերը կեանքի կոչելու վերաբերեալ իր հիմնարար մօտեցումները:
Ռուսական կողմը հաստատած է իր պատրաստակամութիւնը` շարունակելու ձեռնարկել համապատասխան միջնորդական ջանքեր եւ նպաստելու կառուցողական երկխօսութեան խթանման` բոլոր շահագրգիռ պետութիւններուն մասնակցութեամբ:
Համաձայնութիւն գոյացած է շարունակելու տարբեր մակարդակներու վրայ հաղորդակցութիւնները:
«ՌԻԱ Նովոսթի» հաղորդեց, որ Քրեմլինի բանբեր Տմիթրի Փեսքով յայտնած է, որ Փութին Նեթանիահուի հետ զրոյցէն ետք հեռաձայնած է Իրանի նախագահ Մասուտ Փեզեշքիանին: