52-ամյա տղամարդու տանը հայտնաբերվել են ընդհանուր 6,32 գրամ թմրամիջոցի նմանվող զանգվածով փաթեթներ. ՖՈՏՈ
ԵՐԵՎԱՆ, 16 հունվարի․/Նովոստի-Արմենիա/․ Արտաշատ քաղաքի 52-ամյա բնակիչը թմրանյութ է պահում և օգտագործում:
Ինչպես հայտնում է ՆԳՆ ոստիկանությունը, այդ մասին օպերատիվ տեղեկություն են ստացել Համայնքային ոստիկանության Արտաշատի բաժնի ծառայողները։
Ստուգողական գործողությունների արդյունքում պարզվել է, որ տեղեկությունը հավաստի է: Կազմված փաստաթղթերն ուղարկվել են Արարատի մարզային քննչական վարչություն:
Նախաձեռնված քրեական վարույթի շրջանակում կատարված զննությամբ 52-ամյա տղամարդու տանը հայտնաբերվել են ընդհանուր 6,32 գրամ թմրամիջոցի նմանվող զանգվածով փաթեթներ և մոխրացած հետքերով կաթուցիչ:
Կատարվում է նախաքննություն:
