Հունվարի 3-ին Վենեսուելայի նախագահ Մադուրոյին գերեվարելու նպատակով ԱՄՆ կողմից իրականացված հատուկ գործողության ժամանակ զոհված 32 կուբացու մասունքները Հավանա են վերադարձվել փոքր արկղերի մեջ, հաղորդել է «The Independent»-ը:
«Հազարավոր տեղացիներ հավաքվել էին փողոցներում՝ դիմավորելու Թրամփի վարչակազմի գործողության ընթացքում զոհված գնդապետների, լեյտենանտների, մայորների և կապիտանների մասունքների հայրենադարձությունը», – գրել է թերթը։
Հիշեցնենք, որ հունվարի 3-ին Վենեսուելայում ԱՄՆ կողմից իրականացված հատուկ գործողության ժամանակ գերի են վերցվել երկրի նախագահ Նիկոլաս Մադուրոն և նրա կինը: Նրանք գտնվում են կալանավայրում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: