Պապիկյանը տեսանյութ է հրապարակել՝ ներկայացնելով ՀՀ բանակի նոր համազգեստը, որն անցնում է զորային փորձարկում․ ՎԻԴԵՈ
ԵՐԵՎԱՆ, 15 հունվարի․/Նովոստի–Արմենիա/․ ՀՀ պաշտպանության նախարար Սուրեն Պապիկյանը տեսանյութ է հրապարակել՝ ներկայացնելով ՀՀ բանակի նոր համազգեստը, որն անցնում է զորային փորձարկում։
Ինչպես նշել է պաշտպանության նախարարը, ներկայացվել է ԶՈւ դաշտային համազգեստի մի քանի տարբերակ՝ ամառային, աշնանային և ձմեռային։
«Ձմեռային համազգեստը նաև նախատեսված է խիստ ցուրտ ձմեռային պայմանների համար», – նշել է Պապիկյանը։
Տեսանյութում մանրամասն ներկայացվել են համազգեստների դետալացված տարբերակները։
Պապիկյանը նաև համազգեստի վերաբերյալ քվեարկություն է կազմակերպել Telegram–ի իր ալիքում։
