Air India-ի A-350 լայնաֆյուզելյաժային ինքնաթիռը վնասել է շարժիչն ուղեբեռի համար նախատեսված կոնտեյներին բախվելով: Դեպքը տեղի է ունեցել Նյու Դելիի Ինդիրա Գանդիի միջազգային օդանավակայանում:
Ինչպես հաղորդում է Press Trust of India (PTI)-ը, միջադեպը տեղի է ունեցել խիտ մառախուղի պատճառով վատ տեսանելիության պայմաններում։ A-350-ի երթուղում պատահաբար հայտնված կոնտեյների մնացորդները քաշվել են աշխատող աջ շարժիչի մեջ, ինքնաթիռը, որը պատրաստվում էր Նյու Դելի – Նյու Յորք չվերթին, հայտարարվել է թռիչքի համար ոչ պիտանի և ենթակա վերանորոգման։
Հնդկաստանի քաղաքացիական ավիացիայի գլխավոր վարչությունը նշանակել է միջադեպի պատճառների հետաքննություն։ Air India-ն շահագործում է վեց A-350 ինքնաթիռ։ Դրանցից մեկն արդեն ուղարկվել էր վերանորոգման։ Ընկերությունը զգուշացրել էր A-350-ի կողմից շահագործվող որոշ երկար երթուղիներում հնարավոր խափանումների մասին։