https://arm.sputniknews.ru/20260115/nikvol-pashinjany-pataskhanel-e-hajastanum-irani-nvoranshanak-despani-meghadranqnerin-97775436.html
Նիկոլ Փաշինյանը պատասխանել է Հայաստանում Իրանի նորանշանակ դեսպանի մեղադրանքներին
Նիկոլ Փաշինյանը պատասխանել է Հայաստանում Իրանի նորանշանակ դեսպանի մեղադրանքներին
Sputnik Արմենիա
Նիկոլ Փաշինյանը վստահեցրեց` ժողովրդավարական սկզբունքների շրջանակում կապահովեն, որ ԻԻՀ դեսպանատան գործունեության հետ կապված խնդիր չառաջանա։ 15.01.2026, Sputnik Արմենիա
2026-01-15T13:21+0400
2026-01-15T13:21+0400
2026-01-15T13:21+0400
նիկոլ փաշինյան
դեսպան
իրանի իսլամական հանրապետություն
բողոքի ակցիա
հայաստան
դեսպանատուն
https://cdn.am.sputniknews.ru/img/07ea/01/0f/97772905_0:1:1200:676_1920x0_80_0_0_d509959799b721b1cff63e8e603d4659.jpg.webp
ԵՐԵՎԱՆ, 15 հունվարի – Sputnik. 2018 թվականից այս կողմ Հայաստանում երբեք ոչ մի տեղ հանրահավաք չի արգելվել, ու մենք չենք կարող առանձին վերցրած մի դեպքում այլ կերպ վարվել։ Այսօր կառավարության նիստից հետո լրագրողների հետ ճեպազրույցում այս մասին ասաց ՀՀ վարչապետ Նիկոլ Փաշինյանը` արձագանքելով Հայաստանում Իրանի նորանշանակ դեսպան Խալիլ Շիրղոլամիի հայտարարությանը։Ավելի վաղ հայտնել էինք, որ Շիրղոլամին հունվարի 14–ին ասուլիսի ժամանակ փաստացի մեղադրեց հայկական կողմին դեսպանատան դիմաց ընթացող բողոքի ակցիաները թույլատրելու համար։ Նա նշեց, որ թեև իրենք շարունակաբար բողոքում են, բայց այդ գործընթացը շարունակվում է։Հիշեցնենք` Իրանում բողոքի զանգվածային ակցիաներ են անցկացվում 2025–ի դեկտեմբերի 28-ից։ Դժգոհության հիմնական պատճառները փոխարժեքի տատանումներն են ու գների բարձրացումը։ Սակայն ավելի ուշ Իրանի մի շարք քաղաքներում բողոքի ակցիաները վերաճեցին ոստիկանության հետ բախումների, իսկ կարգախոսները ստացան քաղաքական բնույթ՝ ընդդեմ Իրանում առկա քաղաքական կարգի:Հունվարի 2-ին ԱՄՆ նախագահ Դոնալդ Թրամփը հայտարարեց, թե ԱՄՆ–ն պատրաստ է պաշտպանել Իրանի քաղաքացիներին, եթե այդ երկրի իշխանությունները ուժ կիրառեն նրանց դեմ: Թեհրանը դատապարտեց այդ սպառնալիքները։Հունվարի 8-ին Իրանում տեղի են ունեցել ամենամասշտաբային բողոքի ցույցերը, որոնք հրահրվել էին 1979 թվականին տապալված շահի որդու՝ Ռեզա Փահլավիի կոչով: Այնուհետև փողոց էին դուրս եկել գործող իշխանության կողմնակիցները։
իրանի իսլամական հանրապետություն
2026
Լուրեր
am_HY
https://cdn.am.sputniknews.ru/img/07ea/01/0f/97772905_150:0:1051:676_1920x0_80_0_0_5071dd0870c26973967da977e7292041.jpg.webp
նիկոլ փաշինյան, դեսպան, իրանի իսլամական հանրապետություն, բողոքի ակցիա, հայաստան, դեսպանատուն
նիկոլ փաշինյան, դեսպան, իրանի իսլամական հանրապետություն, բողոքի ակցիա, հայաստան, դեսպանատուն
Նիկոլ Փաշինյանը վստահեցրեց` ժողովրդավարական սկզբունքների շրջանակում կապահովեն, որ ԻԻՀ դեսպանատան գործունեության հետ կապված խնդիր չառաջանա։
ԵՐԵՎԱՆ, 15 հունվարի – Sputnik. 2018 թվականից այս կողմ Հայաստանում երբեք ոչ մի տեղ հանրահավաք չի արգելվել, ու մենք չենք կարող առանձին վերցրած մի դեպքում այլ կերպ վարվել։ Այսօր կառավարության նիստից հետո լրագրողների հետ ճեպազրույցում այս մասին ասաց ՀՀ վարչապետ Նիկոլ Փաշինյանը` արձագանքելով Հայաստանում Իրանի նորանշանակ դեսպան Խալիլ Շիրղոլամիի հայտարարությանը։
«Մենք ուշադիր կհետևենք, որ մեր ժողովրդավարական սկզբունքների շրջանակում ապահովենք ու միջոցներ ձեռնարկենք, որպեսզի բարեկամական և եղբայրական ԻԻՀ դեսպանատան գործունեության հետ կապված խնդիր չառաջանա։ Այն մարդիկ, որոնք օրենքի գիծը կանցեն, նրանց նկատմամբ կիրականացվեն համապատասխան վարչական վարույթներ»,– ասաց Փաշինյանը։