Իրանա-քրդական զինված խմբավորումը հայտարարել է Իսլամական հեղափոխության պահապանների կորպուսի (ԻՀՊԿ) բազայի գրավման մասին Իրանի արևմտյան Քերմանշահ նահանգում:
Այս մասին ասվում է Քրդստանի ազգային բանակի հայտարարության մեջ, հաղորդում է CNN-ը:
Քրդստանի ազատության կուսակցության զինված թևի հայտարարության համաձայն, Քերմանշահում ԻՀՊԿ-ի շտաբ-բնակարանը գրավելու գործողություն է սկսվել՝ ի պատասխան երկրում վերջին բախումների ժամանակ քուրդ մարտիկների մահվան։
Հայտարարության համաձայն՝ հարձակումը իրականացվել է երկու ուղղություններից, ինչը թույլ է տվել հարձակվողներին ներթափանցել բազա և անակնկալի բերել իրանական ուժերին։
Քրդերը պնդում են, որ հարձակման արդյունքում ԻՀՊԿ-ն կորուստներ է կրել։