«Հանրային վերահսկողություն» ՀԿ նախագահ Մհեր Կարագոզյանի ֆեյսբուքյան գրառումը. «Հանրային պահանջին արձագանք չկա․ արձանագրում ենք սպասումը.
Օրեր առաջ իմ էջում հրապարակեցի հանրային պահանջագիր՝ ուղղված ՀՀ Քննչական կոմիտեին և ՀՀ գլխավոր դատախազությանը՝ կեղծ զանգերի կենտրոնների և ներդրումային խարդախությունների դեմ համակարգային պայքարի անհրաժեշտության մասին։
Այս պահի դրությամբ որևէ հրապարակային կամ պաշտոնական արձագանք չկա։
Սա մտահոգիչ է, որովհետև խոսքը վերաբերում է հարյուրավոր քաղաքացիների իրավունքներին, տարիներով ձգձգվող քրեական գործերին և տասնյակ միլիոնավոր դրամների վնասներին։
Արձանագրում ենք հետևյալը․
․ Կիբեռ և ներդրումային խարդախությունների վերաբերյալ քրեական գործերը շարունակում են մնալ ձգձգված։
․ Տուժողները չեն ստանում բավարար տեղեկատվություն քննության ընթացքի մասին։
․ Չկա հանրային հաշվետվողականություն՝ քննության ընթացքի և արդյունքների վերաբերյալ։
Լռությունն այս դեպքում չի կարող դիտարկվել որպես չեզոք դիրքորոշում։
Այն խորացնում է անվստահությունը և ամրապնդում անպատժելիության մթնոլորտը։
Մենք ակնկալում ենք պատասխան՝
ոչ թե ձևական, այլ՝ բովանդակային,
ոչ թե ընդհանուր, այլ՝ փաստերի և գործողությունների մակարդակով։
Այս թեման փակված չէ։
Հանրությունն ունի իմանալու իրավունք, իսկ պատասխանատու մարմինները՝ խոսելու պարտավորություն։
ՀՀ կառավարություն
ՀՀ գլխավոր դատախազություն
ՀՀ քննչական կոմիտե»։