«Թեհրանում ձևավորվում է պատկերացում, որ Հայաստանը դառնում է մի կենտրոն՝ Իրանի դեմ թշնամաբար տրամադրված ուժերի գործողությունների համար»,- ասուլիսում հայտարարել է ՀՀ-ում Իրանի դեսպան Խալիլ Շիրղոլամին՝ դժգոհելով Իրանում հակակառավարական ցույցերի օրերին Երևանում Իրանի դեսպանատան դիմաց բողոքի ակցիաներից. «Մի խումբ մարդկանց կանաչ լույս է տրվում գալ դեսպանատան դիմաց. նրանք շատ անհարգալից ու վիրավորական արտահայտություններով են հանդես գալիս»: Նա նշել է, որ այս մասին դժգոհությունները փոխանցվել են ՀՀ պատկան մարմիններին: