https://arm.sputniknews.ru/20260114/karvogh-en-ardjvoq-turqian-ev-rdn-tripp-i-masnakic-linel-hh-artgvortsnakharari-pataskhany-97725749.html
Կարո՞ղ են արդյոք Թուրքիան և ՌԴ–ն TRIPP-ի մասնակից լինել․ ՀՀ արտգործնախարարի պատասխանը
Կարո՞ղ են արդյոք Թուրքիան և ՌԴ–ն TRIPP-ի մասնակից լինել․ ՀՀ արտգործնախարարի պատասխանը
Sputnik Արմենիա
ՀՀ ԱԳ նախարարը նշեց՝ միայն Ադրբեջանի հետ սահմանի բացմամբ ապաշրջափակման հարցն ամբողջական կամ լիարժեք չի լինի։ 14.01.2026, Sputnik Արմենիա
2026-01-14T11:55+0400
2026-01-14T11:55+0400
2026-01-14T11:58+0400
թրամփի ուղի (tripp)
արարատ միրզոյան
ռուսաստան
թուրքիա
հայաստան
հայաստան–իրան գործակցություն
ադրբեջան
հայ-ադրբեջանական
https://cdn.am.sputniknews.ru/img/07ea/01/0e/97723923_0:0:1608:906_1920x0_80_0_0_bc19afa76251b8db951ae33b089c5b7e.jpg.webp
ԵՐԵՎԱՆ, 14 հունվարի – Sputnik․ «Թրամփի ուղուն» (TRIPP) Թուրքիայի կամ Ռուսաստանի հնարավոր ներգրավման հարց ամերիկյան կողմի հետ չի քննարկվել։ Վաշինգտոնում գտնվող ՀՀ դեսպանությունում հեռավար մամուլի ասուլիսի ժամանակ այս մասին ասաց ՀՀ ԱԳ նախարար Արարատ Միրզոյանը՝ անդրադառնալով հարցերից մեկին։Նա հիշեցրեց, որ Թուրքիայի հետ վաղուց երկխոսություն կա, այն բավականին կառուցողական համարեց և հույս հայտնեց, որ մոտ ապագայում շոշափելի առաջընթաց ու քայլեր կլինեն։«Բոլորիս պատկերացումն այն է, որ ապրանքը, բեռները կամ մարդիկ Ասիայից կարող են գալ Ադրբեջան, այնուհետև TRIPP ենթակառուցվածքներով Հայաստանի տարածք, Նախիջևան, այնտեղից կրկին Երասխով, եթե երկաթուղու մասին ենք խոսում։ Եթե Գյումրի-Կարսը չվերագործարկվի, հաստատ բեռները չեն կարող այդ ճանապարհով գնալ Թուրքիայի տարածքով Եվրոպա կամ գալ հակառակ ուղղությամբ»,- ասաց Միրզոյանը։Նրա խոսքով՝ տրամաբանական է, որ Թուրքիան այս ապաշրջափակման և տարածաշրջանի զարգացման մաս լինի, բայց ոչ կոնկրետ TRIPP-ի մասով, այլ, օրինակ՝ TRIPP-ի շարունակության։Նույն տրամաբանությամբ չի քննարկվել նաև ռուսական կողմի հնարավոր մասնակցության հարցը։ Սակայն, ըստ ԱԳ նախարարի, մեծ ապաշրջափակումը վերաբերում է բոլոր հարևաններին՝ անմիջական կամ մի փոքր հեռու գտնվող տարածաշրջանային երկրներին։ Նրա խոսքով՝ այս շարժը բոլորին է ձեռնտու։Միրզոյանի խոսքով՝ առաջիկա ամիսներին կամբողջացվեն նաև մյուս անհրաժեշտ փաստաթղթերը, մինչև աշնան սկիզբը հնարավոր կլինի սկսել ենթակառուցվածքների շինարարությունը։
թուրքիա
ադրբեջան
2026
Լուրեր
am_HY
https://cdn.am.sputniknews.ru/img/07ea/01/0e/97723923_0:0:1608:1206_1920x0_80_0_0_648fcb5a5fa15e1cb29a732c4c970a90.jpg.webp
թրամփի ուղի (tripp), արարատ միրզոյան, ռուսաստան, թուրքիա, հայաստան, հայաստան–իրան գործակցություն, ադրբեջան, հայ-ադրբեջանական
թրամփի ուղի (tripp), արարատ միրզոյան, ռուսաստան, թուրքիա, հայաստան, հայաստան–իրան գործակցություն, ադրբեջան, հայ-ադրբեջանական
ՀՀ ԱԳ նախարարը նշեց՝ միայն Ադրբեջանի հետ սահմանի բացմամբ ապաշրջափակման հարցն ամբողջական կամ լիարժեք չի լինի։
ԵՐԵՎԱՆ, 14 հունվարի – Sputnik․ «Թրամփի ուղուն» (TRIPP) Թուրքիայի կամ Ռուսաստանի հնարավոր ներգրավման հարց ամերիկյան կողմի հետ չի քննարկվել։ Վաշինգտոնում գտնվող ՀՀ դեսպանությունում հեռավար մամուլի ասուլիսի ժամանակ այս մասին ասաց ՀՀ ԱԳ նախարար Արարատ Միրզոյանը՝ անդրադառնալով հարցերից մեկին։
«TRIPP-ն ինչպես կար, հիմա էլ մնում է Հայաստան-Միացյալ նահանգներ բիզնես գործունեություն։ Միևնույն ժամանակ, եթե ավելի լայն՝ ապաշրջափակման համատեքստում դիտարկենք, ակնհայտ է, որ միայն Հայաստան-Ադրբեջան ապաշրջափակմամբ, սահմանի բացմամբ, երկաթուղու վերագործարկմամբ ենթադրյալ Ասիա-Եվրոպական միություն մեծ, լոգիստիկ նոր անցումը չի ստեղծվի, չի ապահովվի, Հայաստանի ապաշրջափակումն էլ ամբողջական չի լինի»,- ասաց ՀՀ արտգործնախարարը։
Նա հիշեցրեց, որ Թուրքիայի հետ վաղուց երկխոսություն կա, այն բավականին կառուցողական համարեց և հույս հայտնեց, որ մոտ ապագայում շոշափելի առաջընթաց ու քայլեր կլինեն։
«Բոլորիս պատկերացումն այն է, որ ապրանքը, բեռները կամ մարդիկ Ասիայից կարող են գալ Ադրբեջան, այնուհետև TRIPP ենթակառուցվածքներով Հայաստանի տարածք, Նախիջևան, այնտեղից կրկին Երասխով, եթե երկաթուղու մասին ենք խոսում։ Եթե Գյումրի-Կարսը չվերագործարկվի, հաստատ բեռները չեն կարող այդ ճանապարհով գնալ Թուրքիայի տարածքով Եվրոպա կամ գալ հակառակ ուղղությամբ»,- ասաց Միրզոյանը։
Նրա խոսքով՝ տրամաբանական է, որ Թուրքիան այս ապաշրջափակման և տարածաշրջանի զարգացման մաս լինի, բայց ոչ կոնկրետ TRIPP-ի մասով, այլ, օրինակ՝ TRIPP-ի շարունակության։
Նույն տրամաբանությամբ չի քննարկվել նաև ռուսական կողմի հնարավոր մասնակցության հարցը։ Սակայն, ըստ ԱԳ նախարարի, մեծ ապաշրջափակումը վերաբերում է բոլոր հարևաններին՝ անմիջական կամ մի փոքր հեռու գտնվող տարածաշրջանային երկրներին։ Նրա խոսքով՝ այս շարժը բոլորին է ձեռնտու։
«Մենք նպատակ չունենք որևէ կերպ դուրս թողնել Ռուսաստանին։ Ակնհայտ է, որ Հայաստանի տարածքում Ռուսաստանը տարբեր ենթակառուցվածքների ներկայություն ունի (այդ թվում՝ երկաթուղիներում), TRIPP-ում՝ ոչ, սակայն TRIPP-ի շարունակությունում կամ դրան առնչվող այլ գործունեությունում կապ ու համագործակցություն կարող է ստեղծվել նաև Ռուսաստանի Դաշնության համար»,- ասաց Միրզոյանը։
Միրզոյանի խոսքով՝ առաջիկա ամիսներին կամբողջացվեն նաև մյուս անհրաժեշտ փաստաթղթերը, մինչև աշնան սկիզբը հնարավոր կլինի սկսել ենթակառուցվածքների շինարարությունը։