Իսրայելական բանակը մշտական պատրաստության մեջ է Իրանում տեղի ունեցող բողոքի ցույցերի ֆոնին ցանկացած անսպասելի սցենարների համար։
Այս մասին սոցիալական ցանցերում գրել է Իսրայելի պաշտպանության բանակի խոսնակ, բրիգադի գեներալ Էֆի Դեֆրինը։
Գեներալը Իրանում տեղի ունեցող բողոքի ցույցերը համարում է Իսլամական Հանրապետության ներքին գործ:
Միևնույն ժամանակ, նա կոչ է արել հանրությանը չվստահել չհաստատված տեղեկատվության աղբյուրներին։
«Վերջին օրերին Իրանում տիրող իրավիճակի վերաբերյալ բազմաթիվ լուրեր են շրջանառվել։ Մենք շարունակում ենք պարբերաբար գնահատել իրավիճակը և կտեղեկացնենք ձեզ ցանկացած փոփոխության մասին, եթե դրանք տեղի ունենան», – ընդգծել է Դեֆրինը։