ՀՅԴ ՀԳՄ ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանն այսօր՝ հունվարի 13-ին հրապարակեց ՀՅԴ ԳՄ արտահերթ ժողովի որոշումը 2026-ի ընտրություններին մասնակցելու մասին։
«ՀՅԴ Գերագույն ժողովը որոշեց՝ մասնակցել ընտրություններին՝ նախապատվություն տալով դաշինքային ձևաչափին, լիազորել ՀՅԴ Հայաստանի Գերագույն մարմնին՝ վարել նախընտրական ակտիվ բանակցություններ՝ հավանական դաշինքի ձևաչափի վերաբերյալ՝ ապահովելով ՀՅԴ նշանակալի դերակատարությունը և մոտեցումների արտացոլումը կարևոր հարցերում»,- նշեց Սաղաթելյանը, հավելելով, որ 2026-ին սպասվող ԱԺ ընտրություններն անհրաժեշտ է վերածել գործող վարչախմբի վերարտադրությունը կանխելու միջոցի։