«Քրիսթալ Փելասը» սենսացիոն պարտություն է կրել ֆուտբոլի Անգլիայի գավաթի խաղարկությունում։
Երրորդ շրջանում լոնդոնյան ակումբը մրցել է Անգլիայի 6-րդ դիվիզիոնը ներկայացնող «Մաքլսֆիլդ Թաունի» հետ ու պարտվել 1։2 հաշվով։ «Քրիսթալ Փելասի» գոլը 90-րդ րոպեին խփել է իսպանացի հարձակվող Երեմի Պինոն։
1908 թվականից հետո սա առաջին դեպքն է, երբ Անգլիայի գործող գավաթակրին պայքարից դուրս է թողնում Պրեմիեր լիգան չներկայացնող ակումբ, հաղորդում է Opta-ն։
Հիշեցնենք, որ Անգլիայի գավաթի խաղարկության նախորդ եզրափակիչում «Քրիսթալ Փելասը» 1։0 հաշվով հաղթել էր «Մանչեսթեր Սիթիին»։