ԱՄՆ նախագահ Դոնալդ Թրամփը հայտարարել է վենեսուելական նավթի վաճառքի մեկնարկի մասին։ Ամերիկացի առաջնորդը գովազդել է այդ պաշարները Ռուսաստանին և Չինաստանին՝ նշելով, որ Մոսկվան կարող է Վաշինգտոնից ստանալ իրեն անհրաժեշտ ողջ նավթը։ Այս մասին նախագահը հայտարարել է ամերիկյան նավթային ընկերությունների ներկայացուցիչների հետ հանդիպման ժամանակ։
Սպիտակ տան ղեկավարը նաև հստակեցրել է, որ Չինաստանին մեծ քանակությամբ նավթ է անհրաժեշտ, և ընդգծել է Միացյալ Նահանգների պատրաստակամությունը՝ մատակարարելու այն։
«Այո՛, նրանք սիրում են նավթը, նույնիսկ չնայած այն հանգամանքին, որ իրենք էլ են մեծ ծավալներով արտադրում։ Բայց Չինաստանը, Ռուսաստանը և բոլոր մյուսները կկարողանան գալ մեզ մոտ, և մենք բաց կլինենք բիզնեսի համար գրեթե անմիջապես», — փաստել է Դոնալդ Թրամփը։
Թրամփը նաև խոսել է Վենեսուելայում երկրորդ գործողությանը Վաշինգտոնի պատրաստակամության մասին։ Այդուհանդերձ, ըստ ԱՄՆ նախագահի, կրկնակի ներխուժման կարիք չի լինի։