«Անհայտ արտեֆակտ» (Unknown Artefact) ֆիլմը, որի ռեժիսորն է Լիլիթ Բարսեղյանը, դեկտեմբերի 14-ին Լոս Անջելեսում կայացած AI International Film Festival կինոփառատոնում արժանացել է գլխավոր մրցանակին, հայտնում է փառատոնի պաշտոնական կայքը։
Փառատոնը դիրքավորվում է որպես «ապագայի կինոգործիչների» հարթակ և պարբերաբար ցուցադրում է արհեստական բանականության տեխնոլոգիաների միջոցով ստեղծված նախագծեր։
19 րոպեանոց «Անհայտ արտեֆակտ» ֆիլմը համատեղում է գիտաֆանտաստիկայի, հոգեբանական դրամայի և փորձարարական ֆիլմի տարրեր: Ժյուրին բարձր է գնահատել ֆիլմի մտածված ոչ գծային կառուցվածքը, մթնոլորտային տեսողական ներկայացումը և տեսողական աղավաղման օգտագործումը՝ որպես գլխավոր հերոսի ներքին քայքայումն արտացոլող իմաստաբանական գործիք, այլ ոչ թե որպես ինքնանպատակ:
Կազմակերպիչների խոսքով՝ աշխատանքն առանձնանում է նրանով, որ արհեստական բանականության էֆեկտները ստորադասվում են դրամատուրգիային և լրացնում են պատմությունը, այլ ոչ թե փոխարինում, ինչը հազվադեպ է այս ժանրի համար։
