ՀՀ տարածքում կան փակ ավտոճանապարհներ, հայտնել է ՀՀ փրկարար ծառայությունը։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները, իսկ Ապարանի տարածաշրջանի ավտոճանապարհները փակ են կցորդիչով բեռնատարների համար։
Վարդենյաց, Քեթիի և Ջաջուռի լեռնանցքները (բուք) փակ են կցորդիչով բեռնատարների համար, դժվարանցանելի՝ մյուս տեսակի տրանսպորտային միջոցների համար: Իսկ Սպիտակի ոլորանները և Սարավան-«Զանգեր» կոչվող հատվածը (Ջերմուկի խաչմերուկից) դժվարանցանելի են կցորդիչով բեռնատարների համար:
Կոտայքի մարզի, Ապարանի, Արագածի, Սպիտակի, Թումանյանի, Տաշիրի, Սևանի, Ճամբարակի, Մարտունու, Գավառի, Վայքի, Սիսիանի և Գորիսի տարածաշրջանների ավտոճանապարհներին տեղ-տեղ առկա է մերկասառույց։
Արագածոտնի, Գեղաքունիքի և Կոտայքի մարզերում, Ջերմուկի, Ելփինի, Աշոցքի (բուք), Ախուրյանի և Գյումրիի տարածաշրջաններում տեղում է ձյուն։
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։
