Վենեսուելայում վերջերս տեղի ունեցած գործողությունից հետո Կոլումբիայի նախագահ Գուստավո Պետրոն չի բացառել իր երկրի դեմ ԱՄՆ-ի ուժ կիրառելու հնարավորությունը:
«Սպառնալիքը գոյություն ունի, և այն իրական է։ Մենք չենք ակնկալում, որ կդիմակայենք հզոր բանակին զենքով, որը չունենք։ Մեր հենարանը մեր լեռներում, մեր արևադարձային անտառներում ապրող մարդիկ են, և միշտ այդպես է եղել»,- ասել է նա բրիտանական BBC-ի հետ հարցազրույցում։
Պետրոն նշել է, որ «նախընտրում է երկխոսությունը», միաժամանակ հավելել, որ «Կոլումբիայի պատմությունը ցույց է տալիս, թե ինչպես է երկիրը դիմակայել հզոր բանակներին»։
Կոլումբիայի նախագահի կարծիքով՝ աշխարհի մյուս երկրների հետ կայսերական նկրտումներով հարաբերություններ պահպանելու Վաշինգտոնի փորձերը ԱՄՆ-ին սպառնում են մեկուսացվելով։
Վենեսուելայում տեղի ունեցած գործողությունից հետո նախագահ Դոնալդ Թրամփը զգուշացրել էր, որ Կոլումբիայի նախագահը նույնպես պետք է զգուշավորություն ցուցաբերի։