ԵՐԵՎԱՆ, ՀՈՒՆՎԱՐԻ 9, 24News
Կոմիտասի անվան պանթեոնում ծաղիկներ խոնարհվեցին ռեժիսոր Սերգեյ Փարաջանովի շիրիմին՝ ծննդյան 102-ամյակի կապակցությամբ։ Այս մասին հայտնում է Հայաստանի կինոյի հիմնադրամը։
ՀՀ կրթության, գիտության, մշակույթի և սպորտի նախարար Ժաննա Անդրեասյանը, նախարարի տեղակալներ Դանիել Դանիելյանը և Ալֆրեդ Քոչարյանը, Փարաջանովի թանգարանի տնօրեն Անահիտ Միքայելյանը, Հայաստանի կինոյի հիմնադրամի տնօրեն Դավիթ Բանուչյանը, թանգարանի աշխատակիցները, մի խումբ արվեստագետներ և Փարաջանովի արվեստի երկրպագուներ այցելել են Կոմիտասի անվան զբոսայգու պանթեոն:
Ներկաները խնկարկել և ծաղիկներ են խոնարհել Սերգեյ Փարաջանովի շիրիմին:
Նշենք, որ լեգենդար կինոռեժիսորի 100-ամյակը հանդիսավորությամբ նշվել է 2024 թվականին․ հոբելյանն ընդգրկվել էր ՅՈՒՆԵՍԿՕ-ի՝ Հռչակավոր մարդկանց և կարևոր իրադարձությունների հոբելյանների 2024-2025թթ. օրացույցում:
—00—ՄԱ