73 տարեկանում կյանքից հեռացել է լատվիացի անվանի բասկետբոլիստ, ԽՍՀՄ հավաքականի կազմում կրկնակի օլիմպիական չեմպիոն Ուլյանա Սեմյոնովան, հաղորդում է Լատվիայի բասկետբոլի ֆեդերացիայի մամուլի ծառայությունը։
Ուլյանա Սեմյոնովան ծնվել է 1952թ․ մարտի 9-ին Լատվիայում։ Նա ԽՍՀՄ հավաքականի գլխավոր աստղն էր 1970-1980-ին։
Սեմյոնովայի հասակը եղել է 2,13 մետր։ Նա Գինեսի ռեկորդների գրքում է ընդգրկվել որպես պատմության մեջ ամենաբարձրահասակ բասկետբոլիստ կինը։
Լատվիացի բասկետբոլիստը օլիմպիական չեմպիոն է դարձել 1976 ու 1980 թվականներին։ Սեմյոնովան 3 անգամ դարձել է աշխարհի չեմպիոն։ Նա նաև Եվրոպայի 10-ակի չեմպիոն է։