ՆԱՏՕ-ի երկրները պլանավորում են ուժեղացնել իրենց ռազմական ներկայությունը Արկտիկայում՝ ԱՄՆ-ի կողմից Գրենլանդիան գրավելու սպառնալիքների ֆոնին: Այս մասին հաղորդում է Politico-ն՝ հղում անելով երեք դիվանագետների:
Հունվարի 8-ին, հինգշաբթի, Բրյուսելում կայացած փակ հանդիպման ժամանակ դաշինքի դեսպանները համաձայնության են եկել կազմակերպության արկտիկական թևը ամրապնդելու անհրաժեշտության հարցում:
ՆԱՏՕ-ի անդամ պետությունների ներկայացուցիչները առաջարկել են օգտագործել հետախուզական հնարավորությունները՝ տարածքն ավելի արդյունավետ վերահսկելու, Արկտիկայի պաշտպանության ծախսերը մեծացնելու, տարածաշրջանում ավելի շատ ռազմական տեխնիկա տեղակայելու և տարածքում ռազմական վարժանքներ անցկացնելու համար:
Այս գաղափարները ընդգծում են Եվրոպայում աճող մտահոգությունները Գրենլանդիայի վերաբերյալ ԱՄՆ մտադրությունների վերաբերյալ: Այս շաբաթ Սպիտակ տունը ամրապնդել է կղզու նկատմամբ իր պահանջները և բազմիցս հրաժարվել է բացառել այն ռազմական ճանապարհով գրավելու հնարավորությունը:
Եվրոպան փորձում է մեղմել ԱՄՆ նախագահ Դոնալդ Թրամփի սպառնալիքները և խուսափել ռազմական միջամտությունից, որը, ըստ Դանիայի, կնշանակի դաշինքի վերջ: Politico-ն նշում է, որ ԱՄՆ նախագահի հետ փոխզիջումը համարվում է առաջին և նախընտրելի տարբերակը:
Ավելի վաղ Դանիայի պաշտպանության նախարարությունը սպառնացել էր, որ դանիացի զինվորները «նախ կկրակեն, ապա հարցեր կտան», եթե ԱՄՆ-ն ներխուժի Գրենլանդիա։