Սիրիական բանակը ռազմական գործողություններ է սկսել Հալեպի մի քանի շրջաններում գտնվող «Սիրիայի դեմոկրատական ուժերի» (SDF) դիրքերի դեմ։ Երկու կողմերի միջև բախումները ներկայում շարունակվում են։
Սիրիական լրատվամիջոցների հաղորդագրությունների համաձայն՝ SDF-ին վերագրվող հրետակոծությունները վնասել են քաղաքային հիվանդանոցը և ուսանողական հանրակացարանը։ Իրավիճակի սրման հետ մեկտեղ, խաղաղ բնակիչների շրջանում զոհերի թիվը հասել է 7-ի, իսկ վիրավորների թիվը՝ ավելի քան 50-ի։
SDF-ի ներկայացուցիչները, իրենց հերթին, մեղադրել են կառավարամետ ուժերին Հալեպի բնակելի թաղամասերը թիրախավորելու մեջ։ Հաղորդվում է, որ ոչնչացվել են նաև սիրիական բանակի ռազմական տեխնիկա և անօդաչու թռչող սարքեր։
Բաղդադը նույնպես մտահոգություն է հայտնել զարգացումների վերաբերյալ։ Իր սաուդյան գործընկերոջ հետ հեռախոսազրույցի ժամանակ Իրաքի արտգործնախարար Ֆուադ Հուսեյնը նշել է, որ Սիրիայում հակամարտության հետագա սրումը կարող է անմիջական ազդեցություն ունենալ Իրաքում տիրող իրավիճակի վրա։