Պատմական լավագույն տարին Հայաստանի համար եղել է 2023–ը, երբ ունեցել ենք 50․000-ով ավելի զբոսաշրջիկ, քան այս տարի, ասել է Պապոյանը
ԵՐԵՎԱՆ, 8 հունվարի․/ԱՌԿԱ/․ Այս տարի ունեցել ենք 2.263.642 զբոսաշրջիկ, ինչը 2.5 %-ով ավելի է նախորդ տարվա ցուցանիշից և 19․4 %-ով ավելի է 2019 թվականի ցուցանիշից։
Այս մասին այսօր կառավարության նիստի ժամանակ հայտնել է ՀՀ Էկոնոմիկայի նախարար Գևորգ Պապոյանը։
Նախարարի խոսքով՝ դեկտեմբերին Հայաստանն ունեցել է 139․933 զբոսաշրջիկ, որը դեկտեմբեր ամիսների պատմության մեջ լավագույն ցուցանիշ է, այսինքն` չի եղել որևէ դեկտեմբեր, որ այսքան բարձր ցուցանիշ ենք ունեցել։
«Այս տարվա մայիսը, հունիսը, հուլիսը, օգոստոսը, հոկտեմբերը, նոյեմբերը և դեկտեմբերը, այսինքն` 12 ամիսներից 7–ը այս տարվա ցուցանիշներն են երբևէ լավագույնը եղել Հայաստանի պատմության մեջ», – ասել է Պապոյանը։
Նախարարն ընդգծել է, որ պատմական լավագույն տարին Հայաստանի համար եղել է 2023–ը, երբ ունեցել ենք 50․000-ով ավելի զբոսաշրջիկ, քան այս տարի։
«Բայց, օրինակ, ՌԴ-ից այս տարի ունեցել ենք 216 հազարով պակաս զբոսաշրջիկ, քան 2023 թվականին, բայց քանի որ կարողացել ենք այլ երկրներից 166 հազարով ավելի զբոսաշրջիկ ունենալ, դրա հաշվին նվազումն ընդամենը եղել է 50 հազար»,-ասել է նախարարը։