8 հունվարի 2026 – 15:00 AMT
PanARMENIAN.Net – 2025 թվականի մայիսից մինչև դեկտեմբեր ընկած մի շարք ամիսներ՝ մայիս, հունիս, հուլիս, օգոստոս, հոկտեմբեր, նոյեմբեր և դեկտեմբեր, զբոսաշրջային այցելությունների թվով ռեկորդային են եղել Հայաստանի համար։ Այդ մասին կառավարության նիստում ասել է էկոնոմիկայի նախարար Գևորգ Պապոյանը։
«2025-ին Հայաստանն ունեցել է 2 միլիոն 263 հազար 642 զբոսաշրջիկ, ինչը 2․5 տոկոսով ավելի է նախորդ տարվա ցուցանիշից և 19․4 տոկոսով ավելի է 2019 թվականի ցուցանիշից»,-մանրամասնել է նախարարը, հայտնում է Արմենպրեսը:
2025 թվականի դեկտեմբերին Հայաստան է այցելել 139 հազար 933 զբոսաշրջիկ։
Նախարարն ասել է, որ զբոսաշրջության առումով Հայաստանի պատմության մեջ ամենաբարձր ցուցանիշը գրանցվել է 2023 թվականին, երբ 2025-ի համեմատ արձանագրվել է մոտ 50 հազարով ավելի այց։