ԱՄՆ նախագահ Դոնալդ Թրամփը հայտարարել է Կոլումբիայի նախագահ Գուստավո Պետրոյի հետ հեռախոսազրույցի և նրա հետ մոտ ապագայում հանդիպման մասին։ Թրամփը այս մասին հայտարարել է Truth Social սոցիալական հարթակում։
«Մեծ պատիվ էր խոսել Կոլումբիայի նախագահ Գուստավո Պետրոյի հետ, որը զանգահարեց՝ բացատրելու թմրանյութերի հետ կապված իրավիճակը և մեր միջև այլ տարաձայնությունները։ Ես գնահատեցի նրա զանգը և զրույցի տոնը․ անհամբեր սպասում եմ նրա հետ հանդիպմանը մոտ ապագայում»,- գրել է նա։
Թրամփը նշել է, որ ներկայումս նախապատրաստական աշխատանքներ են տարվում ԱՄՆ պետքարտուղար Մարկո Ռուբիոյի և Կոլումբիայի արտաքին գործերի նախարարի հանդիպման համար։
Ավելի վաղ Թրամփը, քննադատելով Գուստավո Պետրոյին, պնդել էր, որ Կոլումբիան կոկաին է մատակարարում Միացյալ Նահանգներին, և նաև սպառնացել էր Կոլումբիայի առաջնորդին, հորդորելով, «ավելի զգույշ լինել»։