Հարություն Հարությունյանը ֆեյսբուքյան իր էջում գրել է․
Երևանի Շտապբուժօգնությունը ձեռք է բերել 2025 թվականի արտադրության 7 նոր «Mercedes-Benz» մակնիշի շտապբուժօգնության մեքենա:
Նոր մեքենաները կահավորված են ժամանակակից բժշկական սարքավորումներով, ինչպես նաև ներառում են տեխնիկա, որը առաջին անգամ է Հայաստանում ներդրվում շտապբուժօգնության ծառայության հագեցվածության մեջ։
Դրանց թվում է «Էլեկտրական նստասայլակ», որը հնարավորություն է տալիս բուժառուին տեղափոխել ցանկացած աստիճանահարթակով՝ առանց հավելյալ ֆիզիկական ծանրաբեռնվածության։
Ռեանիմացիոն բրիգադում առկա է նաև «Վակումային իմոբիլիզացիոն հակաշոկային ներքնակ», որը նախատեսված է բազմակի վնասվածքներ ունեցող բուժառուներին անշարժացնելու և անվտանգ հոսպիտալացնելու համար։
Առկա է վերջին սերնդի «Թոքերի արհեստական շնչառության սարք»:
Այս համալրումը ևս մեկ քայլ է դեպի ավելի արագ, անվտանգ և արդյունավետ բուժօգնություն` բնակչության համար։
Հարգանքով` Հարություն Հարությունյան
Տնօրենի՝ բուժական գծով տեղակալ
«Շտապբուժօգնություն» ՓԲԸ