Porsche Cayenne–ի 30–ամյա վարորդը եղել է ոչ սթափ, չի ունեցել վարորդական վկայական, մեքենայում էլ հայտնաբերվել է գազային ատրճանակ և 2 փամփուշտ․ ՖՈՏՈ
ԵՐԵՎԱՆ, 7 հունվարի․/Նովոստի–Արմենիա/․ Պարեկային ծառայության Սյունիքի մարզի գումարտակի ծառայողները դեկտեմբերի 4-ին Ձորաստան-Ներքին Խոտանան խաչմերուկում ստուգման նպատակով կանգնեցրել են «Պորշ Կաեն» մակնիշի մեքենա, հաղորդում է ՀՀ ոստիկանությունը։
Պարզվել է, որ 30-ամյա վարորդը սթափ չի եղել, իսկ մեքենան վարել է առանց վարորդական վկայականի։
Վարորդին տեղափոխել են Համայնքային ոստիկանության Կապանի բաժին, մեքենան՝ բաժնի հատուկ պահպանվող տարածք։
Զննությամբ բեռնախցիկում հայտնաբերվել է առանց համապատասխան փաստաթղթերի գազային ատրճանակ և 2 փամփուշտ։
Կազմված փաստաթղթերը ներկայացվել են նախաքննական մարմին։
