Երևանում հունվարի 6-ին խոշոր ավտովթար է տեղի ունեցել, վիրավորվել է Հնդկաստանի քաղաքացի, հայտնում է Shamshyan.com-ը:
Ժամը 22:00-ի սահմաններում Ռոստովյան-Մուրացան փողոցների խաչմերուկում բախվել են Երևանի բնակիչ 25-ամյա Կորյուն Մ.-ի վարած Tesla և Mercedes մակնիշի ավտոմեքենաները։ Վթարի հետևանքով 1 մարդ տեղափոխվել է «Էրեբունի» բժշկական կենտրոն։
Բախման հետևանքով Tesla-ն դուրս է եկել երթևեկելի գոտուց և բախվել խաչմերուկում տեղադրված երկաթե սյանը։
Կայքի տեղեկություններով՝ Tesla-ի վարորդը ենթարկվել է սթափության փորձաքննության, գտնվել է սթափ վիճակում, իսկ վիրավորը Mercedes-ի վարորդն է, ով ազգությամբ հնդիկ է։
