Վենեսուելայի առաջնորդ Նիկոլաս Մադուրոյի որդին՝ Գուերրա Մադուրոն, հրապարակային հայտարարություն է արել տեղական խորհրդարանում՝ ԱՄՆ իշխանությունների կողմից հոր առևանգումից հետո։Այս մասին հունվարի 6-ին հայտնել է Daily Mail-ը։
«Հայրիկ, դու մեզ բոլորիս այս ընտանիքում ուժեղ դարձրիր։ Ահա մենք՝ կատարելով մեր պարտականությունը մինչև քո վերադարձը։ Հայրենիքը լավ ձեռքերում է, հայրիկ։ Եվ շուտով մենք կգրկախառնվենք միմյանց այստեղ՝ Վենեսուելայում», – ասել է Մադուրո կրտսերը։
Հանրապետության ղեկավարի որդու ելույթի տեսագրությունը ցուցադրվել է Վենեսուելայի պետական հեռուստատեսությամբ։
Հիշեցնենք, որ ԱՄՆ-ն Վենեսուելայի դեմ «Ամբողջական վճռականություն» գործողությունը սկսել է հունվարի 3-ի գիշերը։ ԱՄՆ գործողությունների արդյունքում նախագահ Նիկոլաս Մադուրոն և նրա կինը տարհանվել են երկրից։ ԱՄՆ իշխանությունները նրանց մեղադրել են «նարկոտեռորիզմի» և զենքի մաքսանենգության մեջ։
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ Վենեսուելայում տեղի ունեցող իրադարձությունների վերաբերյալ իր մտահոգությունները փոխանցել է ԱՄՆ նախագահ Դոնալդ Թրամփին։