Իսրայելի ռազմաօդային ուժերը հարվածներ են հասցրել Լիբանանի հարավում գտնվող մի քանի շրջանների, այդ թվում Սիդոնում գտնվող թիրախներին։
Ինչպես հայտնել է Euronews-ը, հարվածներից մեկը հողին է հավասարեցրել Սիդոնում գտնվող եռահարկ շենքը։
«Շենքը գտնվում էր աշխույժ առևտրային թաղամասում, ներսում տեղակայված էին նաև մեքենաշինական արհեստանոցներ: Տեղի բնակիչների խոսքով՝ այն անմարդաբնակ էր: Զոհերի մասին տեղեկություններ չեն ստացվել, մեկ մարդ վնասվածքներով հոսպիտալացվել է»,- ասված է հրապարակման մեջ:
Իսրայելի պաշտպանության բանակն իր հերթին հայտարարել է, որ հարվածներ են հասցվել ինչպես վերգետնյա, այնպես էլ ստորգետնյա մի քանի զենքի պահեստների և ռազմական օբյեկտների, ինչպես նաև ՀԱՄԱՍ-ի զենքի արտադրության օբյեկտներին՝ Լիբանանի հարավում։
«Հայկական Ժամանակ»-ը Telegram-ում
Տպել
84 դիտում