ԱՄՆ նախագահ Դոնալդ Թրամփը հրամայել է հարվածներ հասցնել Վենեսուելայի տարածքում գտնվող օբյեկտներին։ Այս մասին Х սոցցանցում տեղեկացրել է CBS հեռուստաալիքի լրագրողուհի Ջենիֆեր Ջեյկոբսը։
Նրա խոսքով՝ ԱՄՆ թիրախների ցուցակում են հայտնվել ռազմական օբյեկտներ։
Ինչպես նշել է Ջեյկոբսը՝ հղում կատարելով պաշտոնատար անձանց, Թրամփը ամերիկացի զինվորականների համար կանաչ լույս է վառել՝ ցամաքային հարվածներ հասցնելու Վենեսուելային դեռեւս մի քանի օր առաջ։
«ԱՄՆ-ը պատրաստ էր Սուրբ Ծննդին, բայց, աղբյուրների խոսքով, առաջնահերթությունը տրվեց Նիգերիայում գտնվող ԻՊ օբյեկտների ավիահարվածներին։ Սուրբ Ծննդին հաջորդած օրերին հարվածների ավելի մեծ հնարավորություններ ստեղծվեցին, բայց գործողությունը հետաձգվեց մասամբ եղանակային պայմանների պատճառով»,- գրել է լրագրողուհին։