Ղրղզստանի տրանսպորտի և կապի նախարարությունն ավարտել է Եվրոպա-Կովկաս-Ասիա միջանցքի (ТРАСЕКА) բազմակողմանի թույլտվությունների համակարգին միանալու գործընթացը, որը կհեշտացնի ներքին ապրանքների մուտքը արտաքին շուկաներ, հաղորդում է Economist.kg-ն։
Նոր մեխանիզմի ներդրումը փոխադրողներին ազատում է բյուրոկրատական քաշքշուկից։ Ընկերությունները երթուղու յուրաքանչյուր երկրի համար այլևս առանձին փաստաթղթեր ստանալու կարիք չունեն, ինչպես նախկինում պահանջվում էր երկկողմ համաձայնագրերով։ ТРАСЕКА-ի թույլտվությունը համապարփակ է. այն իրավունք է ընձեռում երկկողմ և տարանցիկ բեռնափոխադրումներ, ինչպես նաև ապրանքների առաքումներ իրականացնել երրորդ երկրներ։
Փաստաթուղթը գործում է մեկանգամյա թույլտվության՝ մեկ երկկողմանի (ետդարձով) ուղևորության սկզբունքով, բեռով կամ առանց դրա։ Անցողակի անցման սահմանափակումը ցանկացած մասնակից երկիր մեկ ուղևորության ընթացքում երկու մուտքից ոչ ավելի է։
Նորարարությունը ղրղզական լոգիստիկ ընկերությունների համար պարզեցված տարանցիկ և ուղիղ բեռնափոխադրումներ է բացում վեց երկրներում.
Հայաստան;
Վրաստան;
Մոլդովա;
Ռումինիա;
Թուրքիա;
Ուկրաինա:
Տրանսպորտի նախարարությունից նշում են, որ միասնական թույլտվության կիրառումը կնվազեցնի տրանսպորտային ծախսերը և բեռների առաքման ժամանակը։ Դա կբարձրացնի ղրղզական արտահանման մրցունակությունը և կնպաստի Եվրոպայի, Թուրքիայի և Սևծովյան տարածաշրջանի շուկաներ ապրանքների մուտքին։