Իսրայելի վարչապետ Բենիամին Նեթանյահուն հույս է հայտնել, որ Իրանը չի ցանկանում սրացում Իսրայելի հետ։
«Մենք չենք ձգտում սրացման։ Հուսով եմ՝ նրանք էլ չեն ձգտում», – ասել է Նեթանյահուն Fox News-ին տված հարցազրույցում։ Նա նշել է, որ Իրանը վերջերս հրթիռային փորձարկումներ է իրականացրել։
«Հուսով եմ՝ նրանք այդ սխալը չեն թույլ տա», – ընդգծել է Իսրայելի վարչապետը։
Հաղորդավարի այն հարցին, թե որքանով է նա կարծում, որ Իրանը վերականգնել է իր միջուկային և հրթիռային կարողությունները հունիսյան ռմբակոծություններից հետո, Նեթանյահուն պատասխանել է.
«Նրանք փորձում են։ Նրանք նաև փորձում են վերականգնել իրենց հրթիռների արտադրության կարողությունները»։
Իսրայելի առաջնորդի խոսքով՝ Իրանը «վերադառնում է բալիստիկ հրթիռների արտադրությանը»։