Քաթարի մայրաքաղաք Դոհայում ավարտվել է 2025 թվականի աշխարհի կայծակնային շախմատի առաջնությունը: Այս մասին հայտնում է Հայաստանի շախմատի ֆեդերացիան:
Տղամարդկանց առաջնությանը մասնակցել են 64 երկրների 252 շախմատիստներ, այդ թվում՝ 166 գրոսմայստերներ:
Աշխարհի չեմպիոն է դարձել Մագնուս Կարլսենը:
Հայաստանը ներկայացնող գրոսմայստերներ Արամ Հակոբյանը և Հայկ Մարտիրոսյանը զբաղեցրել են մրցանակային տեղեր:
Արամ Հակոբյանը 19 հնարավորից վաստակեց 12.5 միավոր և կիսեց 10-19-րդ հորիզոնականները՝ լրացուցիչ ցուցանիշներով զբաղեցնելով 18-րդ հորիզոնականը:
Հայկ Մարտիրոսյանը վաստակել է 12 միավոր և կիսել 20-39-րդ հորիզոնականները՝ լրացուցիչ ցուցանիշներով զբաղեցնելով 26-րդ հորիզոնականը: Հայկը առաջնության շրջանակներում հաղթանակ է տարել աշխարհի նորընծա չեմպիոն Մագնուս Կարլսենի նկատմամբ։
Կանանց առաջնությանը մասնակցել են 42 երկրների 140 շախմատիստուհիներ, այդ թվում՝ 23 գրոսմայստերներ և 32 միջազգային վարպետներ:
Աշխարհի չեմպիոնուհի է դարձել Բիբիսարա Ասաուբաևան:
Հայ շախմատիստուհիներից լավագույն արդյունքը ցույց է տվել գրոսմայստեր Էլինա Դանիելյանը, ով 15 հնարավորից վաստակել է 8.5 միավոր:
Էլինան առաջնության շրջանակներում հաղթանակ է տարել աշխարհի նորընծա չեմպիոնուհի Բիբիսարա Ասաուբաևայի նկատմամբ:
Դիտումների քանակ2