Իսրայէլեան բանակի սպայակոյտի պետ Իալ Զամիր յայտարարեց, թէ իսրայէլեան ուժերու շարք մը ճակատներու վրայ զինուորական գործողութիւնները «տակաւին չեն աւարտած եւ գործօն են»: Ան այս մասին յայտնեց իսրայէլեան բանակի հետախուզական բաժանմունքին` Ամանի տարեկան խորհրդաժողովի ընթացքին:
«Ճակատամարտը չէ աւարտած, բոլոր ճակատները տակաւին կը գործեն, եւ տակաւին մեր առջեւ բազմաթիւ մարտահրաւէրներ կան», աւելցուց ան:
Զամիր նշեց, որ իր երկրի բանակը կ՛անցնի փոխանցման «անհրաժեշտ» փուլէ:
«Բազմաթիւ ճակատներու վրայ պատերազմի իրողութիւնը տեղեկահաւաքի բաժանմունքին համար հրամայական կը դարձնէ փոփոխութիւններուն հետեւիլ եւ տեսակարար զգուշացումներ տրամադրել», յայտնեց իսրայէլեան բանակի սպայակոյտի պետը: