Այսօրվա վարչախումբն ամեն ինչ անում է, որ այլ լույսի ներքո ներկայացնեն այն պետություններին, որոնք մեզ մեր սեփական հայրենիքում ենթարկել են ցեղասպանության։ Այս մասին Alpha News-ի եթերում ասել է ՀՅԴ Հայաստանի ԳՄ ներկայացուցիչ Իշխան Սաղաթելյանը։
«Նրանք պետական քարոզչություն են անում, որ ժողովուրդը չիմանա, չտեղեկանա ու այլ պատկերացում կազմի մեր թշնամիների մասին»,- նշել է Սաղաթելյանը։
Նրա խոսքով՝ այն, ինչ այսօր առաջարկում է Նիկոլ Փաշինյանը՝ «խաղաղության» քողի ներքո, որևէ կապ չունի խաղաղության հետ։ «Շարունակ զիջելով խաղաղության չենք հասնի։ Նիկոլ Փաշինյանն առաջարկում է զիջել Ադրբեջանին այնքան, մինչև այն կանգ կառնի, բայց կյանքը ցույց է տալիս, որ Թուրքիայի և Ադրբեջանի միակ նպատակը հայկական ինքնությունը վերացնելն է»,- նշել է Իշխան Սաղաթելյանը։
Պատասխանել հարցին՝ ի՞նչ է առաջարկելու ընդդիմությունը Փաշինյանի «խաղաղության» փոխարեն, նա ասել է․«Մենք պետք է հստակ բացատրենք ժողովրդին, որ Նիկոլ Փաշինյանը խաղաղություն չի բերելու։ Մինչև հունիս Ադրբեջանն ու Թուրքիան բոնուսներ կտան Փաշինյանին՝ ժողովրդին խաբելու համար, և 2026 թվականի ընտրությունների գինը կլինի ՀՀ անկախությունը»։
Մանրամասները՝ տեսանյութում։