Ադրբեջանի գլխավոր դատախազությունը հաղորդագրություն է հրապարակել՝ հայտնելով, որ վերջին շրջանում ի հայտ են գալիս Ռուսաստանի և Ուկրաինայի միջև ռազմական գործողություններին, ինչպես նաև այլ զինված հակամարտություններին Ադրբեջանի քաղաքացիների մասնակցության փաստեր:
Երկրի դատախազությունը հստակեցրել է, որ այդ մասնակցությունը եղել է վարձկանության տարբերակով՝ մասնակցություն՝ գումարի դիմաց:
Գերատեսչությունը հավելել է, որ վարձկանությունը, այսինքն՝ քաղաքացի չհանդիսանալու դեպքում նյութական վարձատրություն ստանալու նպատակով ռազմական հակամարտությանը կամ գործողություններին մասնակցելը համարվում է հանցագործություն, որի համար նախատեսված է պատիժ՝ 8-20 տարի կամ ցմահ ազատազրկման ձևով:
Գլխավոր դատախազությունը կոչ է արել Ադրբեջանի քաղաքացիներին պահպանել զգոնությունը, չտրվել ապօրինի կոչերին և հարգել օրենքները:
«Հայկական Ժամանակ»-ը Telegram-ում
Տպել
227 դիտում